Akvarium canlılarına qayğı
Akvarium Balıqlarının Adaptasiyası
Yeni balıq alınarkən balıqları akvariuma birbaşa atmaq olmaz.Paketdə(və yaxud qabda) alınan balığı paketlə birlikdə akvariumun içərisinə qoyursunuz.5 dəqiqə sonra akvariumdaki sudan həmin paketə 250 ml tökürsünüz.Bu prossesi 3 dəfə təkrar etdikdən sonra paketdəki su ilə birlikdə (və ya yanlız balıqları) akvariuma boşaldın.Belə etməklə,suyun temperatur fərqini və su tərkibini eyniləşdirib, yeni balıqları stressiz şəkildə yeni mühitə uyğunlaşdıracaqsınız.
Akvarium Balıqlarının Qidalanması
Balıqlara gündə bir dəfə bir çimdik 1-3 dəqiqə ərzində yeyə biləcəkləri qədər yem vermək lazımdır. Həddindən artıq qidalanma akvarium balıqlarının sağlamlığı üçün zərərlidir, və akvariumun dibinə çökən yem qalıqları bakteriyaların çoxalmasına səbəb olur. Artıq qalan qida hissəcikləri balıqlara yem verdikdən 10 dəqiqə sonra suyun səthindən təmizlənməlidir.
Akvarium Temperaturu və Suyun Dəyişdirilməsi
Akvarium balıqları üçün suyun temperaturu minimum 24+ dərəcə olmalıdır.Suyu lazımı temperaturda saxlamaq üçün, xüsusi isidici cihazdan istifadə etmək lazımdır.Akvarium suyunun tam dəyişdirilməsi, bio mühümün pozulmasına, balıqlarda adaptasiya probleminin yaranmasına səbəb olacaq. Buna görə də həftəlik və ya 15 gündə bir akvarium suyunun 20-30%-ni dəyişmək lazımdır.Akvariumun suyunu dəyişərkən, krandan götürülən suyu 1-2 gün saxlayıb sonra akvariuma tökmək lazımdır. Çünki suyun tərkibindəki xlor çıxarılmasa balıqların dərisi zədələnib ölə bilər
